Савет Мiнiстраў Рэспублiкi Беларусь ПАСТАНАЎЛЯЕ:

1. Прасiць Адкрытае акцыянернае таварыства "Ашчадны банк "Беларусбанк" выдаць крэдыты ў агульным памеры 8 млн.долараў ЗША на набыццё сродкаў аховы раслiн i разлiкi за мiнеральныя ўгнаеннi (са зваротам гэтых крэдытаў да 1 сакавiка 2001 г. у адпаведнасцi з узгодненымi з Нацыянальным банкам графiкамi продажу замежнай валюты) юрыдычным асобам згодна з дадаткам.

2. Прадаставiць гарантыю Урада Рэспублiкi Беларусь Адкрытаму акцыянернаму таварыству "Ашчадны банк "Беларусбанк" у адносiнах да звароту крэдытаў (уключаючы выплату працэнтаў па iх), якiя выдзяляюцца гэтым банкам у адпаведнасцi з пунктам 1 дадзенай пастановы.

Гарантыя Урада Рэспублiкi Беларусь прадугледжвае пагашэнне ўказаных крэдытаў (уключаючы працэнты па iх) за кошт сродкаў рэспублiканскага фонду падтрымкi вытворцаў сельскагаспадарчай прадукцыi, харчавання i аграрнай навукi (у выпадку незвароту iх Рэспублiканскiм вытворчым аб'яднаннем па аграхiмiчнаму абслугоўванню сельскай гаспадаркi) i мясцовых мэтавых бюджэтных фондаў стабiлiзацыi эканомiкi вытворцаў сельскагаспадарчай прадукцыi i харчавання (у выпадку незвароту iх iншымi юрыдычнымi асобамi, названымi ў дадатку да дадзенай пастановы).

Мiнiстэрству фiнансаў аформiць ва ўстаноўленым парадку дадзеную гарантыю Урада Рэспублiкi Беларусь.

3. Нацыянальнаму банку забяспечыць продаж юрыдычным асобам, якiя атрымалi ў адпаведнасцi з пунктам 1 дадзенай пастановы крэдыты, замежнай валюты на таргах адкрытага акцыянернага таварыства "Беларуская валютна-фондавая бiржа" для пагашэння ўказаных крэдытаў (уключаючы працэнты па iх).

4. У мэтах забеспячэння своечасовага звароту крэдытаў, выдадзеных у адпаведнасцi з гэтай пастановай, устанавiць, што пазычальнiкi ў перыяд да поўнага выканання абавязкаў перад банкамi па пагашэнню ўказаных крэдытаў (уключаючы працэнты па iх) адлiчваюць па ўзгадненню з банкамi да 40 працэнтаў выручкi ад рэалiзацыi прадукцыi (работ i паслуг) на iх субрахункi для далейшага накiравання на пагашэнне запазычанасцi па названых крэдытах i працэнтаў па iх, а таксама на куплю замежнай валюты для дадзеных мэт. У выпадку незабеспячэння своечасовага ўнясення бягучых плацяжоў у бюджэт, дзяржаўныя мэтавыя бюджэтныя i пазабюджэтныя фонды, уключаючы Фонд сацыяльнай абароны насельнiцтва, устаноўлены дадзенай пастановай парадак не прымяняецца да поўнага пагашэння запазычанасцi па гэтых плацяжах.

5. Мiнiстэрству сельскай гаспадаркi i харчавання забяспечыць кантроль за мэтавым выкарыстаннем сродкаў, прадугледжаных дадзенай пастановай.