З мэтай удасканалення сiстэмы вышэйшай адукацыi Рэспублiкi Беларусь ЗАГАДВАЮ:

1. Зацвердзiць змяненнi у пункце 2.5, падпункце 2.5.4 Палажэння аб шматузроўневай сiстэме вышэйшай адукацыi Рэспублiкi Беларусь (дадаюцца). (Рег. N 517/12 ад 10.08.94 г.).

2. Галоўнаму ўпраўленню вышэйшай адукацыi (Даманеўскi Д.С.) у месячны тэрмiн накiраваць дадзеныя змяненнi ва ўсе дзяржаўныя i недзяржаўныя вышэйшыя навучальныя ўстановы, навукова-даследчыя iнстытуты Рэспублiкi Беларусь, а таксама мiнiстэрствы i ведамствы, якiя маюць у сваiм падпарадкаваннi вышэйшыя навучальныя ўстановы i навукова-даследчыя iнстытуты.

3. Кантроль за выкананнем гэтага загада ўскласцi на намеснiка мiнiстра Т.Я.Галко.

Мiнiстр В.I.СТРАЖАЎ

Пункт 2.5 выкласцi ў наступнай рэдакцыi:

Другi ўзровень прадугледжвае:

- спецыялiзаваную (паглыбленую) падрыхтоўку спецыялiстаў у канкрэтным кiрунку прафесiйнай дзейнасцi;

- падрыхтоўку магiстраў.

Падрыхтоўка на другiм узроўнi ажыццяўляецца па iндывiдуальных вучэбных планах у вышэйшых навучальных установах унiверсiтэцкага тыпу i навукова-даследчых iнстытутах.

Падпункт 2.5.4 выкласцi ў наступнай рэдакцыi:

Парадак адкрыцця падрыхтоўкi, прыёму, атэстацыi, выдачы дыпломаў i патрабаваннi да спецыялiста з паглыбленай падрыхтоўкай i магiстра вызначаюцца адпаведнымi Палажэннямi Мiнiстэрства адукацыi i навукi.