Зарегистрировано в Национальном реестре правовых актов

Республики Беларусь 23 декабря 1999 г. N 8/2292

У мэтах развiцця i ўдасканалення вышэйшай адукацыi ў Рэспублiцы Беларусь ЗАГАДВАЮ:

1. Стварыць вучэбна-метадычныя аб'яднаннi вышэйшых навучальных устаноў Рэспублiкi Беларусь (дадатак 1).

2. Замацаваць за вучэбна-метадычнымi аб'яднаннямi ў адпаведнасцi з дадаткам 1 профiлi i спецыяльнасцi вышэйшай адукацыi, вызначыць базавыя вышэйшыя навучальныя ўстановы.

3. Зацвердзiць Тыпавое палажэнне аб вучэбна-метадычным аб'яднаннi вышэйшых навучальных устаноў Рэспублiкi Беларусь (дадатак 2).

4. Дазволiць Галоўнаму ўпраўленню вышэйшай адукацыi (Даманеўскi Дз.С.) ў абгрунтаваным выпадку ўносiць змяненнi i дапаўненнi ў пералiк спецыяльнасцей, замацаваных за ВМА.

5. Каардынацыю дзейнасцi ВМА ўскласцi на Рэспублiканскi iнстытут вышэйшай школы i гуманiтарнай адукацыi (Гайсёнак В А.)

6. Галоўнаму ўпраўленню вышэйшай адукацыi (Даманеўскi Дз.С.) i Рэспублiканскаму iнстытуту вышэйшай школы i гуманiтарнай адукацыi (Гайсёнак В.А.) сумесна з базавымi вышэйшымi навучальнымi установамi:

6.1. Правесцi ў вераснi 1996 г. нараду старшынь вучэбна-метадычных аб'яднанняў па пытаннях арганiзацыi дзейнасцi ВМА.

6.2. Забяспечыць у кастрычнiку 1996 г. зацвярджэнне структур, саставаў, палажэнняў i планаў работы вучэбна-метадычных аб'яднанняў.

6.3. Арганiзаваць распрацоўку дзяржаўных патрабаванняў да мiнiмуму зместу i ўзроўню падрыхтоўкi выпускнiкоў па замацаваных за аб'яднаннямi спецыяльнасцях.

6.4. Забяспечыць iнфармацыйнае ўзаемадзеянне Мiнiстэрства адукацыi i навукi Рэспублiкi Беларусь i вучэбна-метадычных аб'яднанняў.

7. Рэспублiканскаму iнiстытуту вышэйшай школы i гуманiтарнай адукацыi (Гайсёнак В.А.):

7.1. Да 1 кастрычнiка 1996 г. ва ўстаноўленым парадку ўнесцi на разгляд кiраўнiцтва Мiнiстэрства прапановы аб стварэннi рэспублiканскай службы па арганiзацыйна-метадычнаму забеспячэнню вышэйшай адукацыi.

8. Старшыням вучэбна-метадычных аб'яднанняў:

8.1. Удакладнiць пералiк вышэйшых навучальных устаноў (факультэтаў, кафедраў), якiя ўваходзяць ва ўзначальваемае аб'яднанне.

8.2. Распрацаваць i да 1 кастрычнiка 1996 г. прадставiць на зацвярджэнне структуру, састаў, палажэнне i план работы канкрэтнага вучэбна-метадычнага аб'яднання;

8.3. 3абяспечыць неабходныя ўмовы для функцыянiравання вучэбна-метадычных аб'яднанняў.

9. Кантроль за выкананнем гэтага загаду ўскласцi на першага намеснiка Мiнiстра адукацыi i навукi Рэспублiкi Беларусь Стаўрова В.П.

Мiнiстр В.I.СТРАЖАЎ

1.1. Вучэбна-метадычнае аб'яднанне вышэйшых навучальных устаноў (ВМА) з'яўляецца грамадска-рэкамендацыйным аб'яднаннем выкладчыкаў вышэйшых навучальных устаноў i спецыялiстаў народнай гаспадаркi, якое садзейнiчае ўпраўленню вышэйшай адукацыяй на прафесiянальнай аснове.

1.2. У склад вучэбна-метадычных аб'яднанняў уваходзяць вышэйшыя навучальныя ўстановы Рэспублiкi Беларусь незалежна ад iх ведамаснага падпарадкавання або iх структурныя падраздзяленнi, а таксама звязаныя з ВНУ iншыя навучальныя ўстановы, якiя рэалiзуюць адукацыйна-прафесiянальныя праграмы па профiлях вышэйшай адукацыi i роднасным спецыяльнасцям адпаведнага ВМА.

У склад ВМА могуць уваходзiць акрэдытаваныя недзяржаўныя вышэйшыя навучальныя ўстановы, а таксама ў якасцi асацыiраваных членаў ВНУ iншых дзяржаў, рэалiзуючых аналагiчныя адукацыйна-прафесiянальныя праграмы.

Вышэйшыя навучальныя ўстановы i iх падраздзяленнi, якiя ўваходзяць ў склад ВМА, захоўваюць устаноўленыя адносiны падпарадкавання.

1.3. Пералiк ВМА i аднесеных да iх спецыяльнасцей вызначаецца Мiнiстэрствам адукацыi i навукi Рэспублiкi Беларусь. Усе змяненнi i дапаўненнi ў пералiку спецыяльнасцей, замацаваных за ВМА, у абгрунтаваных выпадках ажыццяўляе Галоўнае ўпраўленне вышэйшай адукацыi Мiнiстэрства.

1.4. Вучэбна-метадычнае аб'яднанне арганiзуецца, як правiла, на базе аднаго з вядучых ВНУ, у якой рэалiзуюцца адукацыйна-прафесiянальныя праграмы па большасцi профiляў i спецыяльнасцей, вынесеных да кампетэнцыi ВМА.

Стварэнне, рэарганiзацыя i лiквiдацыя ВМА праводзiца Мiнiстэрствам адукацыi i навукi Рэспублiкi Беларусь незалежна ад ведамаснага падпарадкавання базавай вышэйшай навучальнай установы.

1.5. Вучэбна-метадычнае аб'яднанне ажыццяўляе сваю дзейнасць у адпаведнасцi з заканадаўствам i нарматыўнымi дакументамi аб вышэйшай школе i палажэннем аб ВМА, распрацаваным на аснове тыпавога палажэння.

1.6. Прынцыпы дзейнасцi вучэбна-метадычнага аб'яднання заснаваны на раўнапраўi членаў, калегiяльнасцi кiраўнiцтва, галоснасцi.

1.7. ВМА ажыццяўляе сваю дзейнасць на аснове доўгатэрмiновай праграмы i адпаведных гадавых планаў.

Рашэннi вучэбна-метадычнага аб'яднання носяць, як правiла, рэкамендацыйны характар i праводзяцца ў жыццё Прэзiдыумам ВМА, загадамi рэктараў ВНУ, а таксама адпаведнымi распарадча-нарматыўнымi дакументамi Мiнiстэрства адукацыi i навукi Рэспублiкi Беларусь.

Асноўнай мэтай вучэбна-метадычнага аб'яднання з'яўляецца арганiзацыя i каардынацыя вучэбна-метадычнай дзейнасцi педагагiчнай грамадскасцi вышэйшых навучальных устаноў i спецыялiстаў народнай гаспадаркi ў вырашэннi наступных задач:

- распрацоўка дзяржаўных адукацыйных стандартаў;

- распрацоўка i ўдасканаленне адукацыйных i прафесiянальных праграм у адпаведнасцi з патрабаваннямi асобы, грамадства, асноўнымi тэндэнцыямi развiцця навукi, культуры, тэхнiкi, тэхналогii;

- удасканаленне арганiзацыйнага, кадравага i метадычнага забеспячэння вучэбнага працэсу;

- забеспячэнне iнтэграцыi вышэйшай школы Рэспублiкi Беларусь у сусветнае адукацыйнае супольнiцтва.

У адпаведнасцi з выкананнем асноўных мэт i задач вучэбна-метадычнае аб'яднанне:

3.1. Рыхтуе прапановы па рэалiзацыi дзяржаўнай палiтыкi ў галiне адукацыi; прымае ўдзел у распрацоўцы i экспертызе праектаў дакументаў па пытаннях развiцця вышэйшай адукацыi; удзельнiчае ў распрацоўцы дзяржаўных адукацыйных стандартаў; рыхтуе прапановы па наменклатуры напрамкаў i спецыяльнасцей вышэйшай адукацыi, удзельнiчае ў вызначэннi лiчбаў прыёму.

3.2. Арганiзуе распрацоўку, экспертызу i зацвярджае ва ўстаноўленым парадку вучэбна-метадычную дакументацыю па адпаведных спецыяльнасцях вучэбна-метадычнага аб'яднання.

3.3. Аналiзуе патрабаваннi да падрыхтоўкi спецыялiстаў i сумесна з зацiкаўленымi мiнiстэрствамi i ведамствамi распрацоўвае (або ўдзельнiчае ў распрацоўцы) квалiфiкацыйных характарыстык спецыялiстаў.

3.4. Удзельнiчае ў фармiраваннi перспектыўных планаў падрыхтоўкi падручнiкаў i вучэбных дапаможнiкаў; фармiруе аўтарскiя калектывы; удзельнiчае ў правядзеннi конкурсаў па стварэннi вучэбнай лiтаратуры i аўдыёвiзуальных сродкаў; праводзiць рэцэнзiраванне рукапiсаў, падрыхтаваных да выдання, арганiзуе абмеркаванне якасцi выдадзеных вучэбных кнiг, а таксама аўдыёвiзуальных сродкаў.

3.5. Каардынуе выпуск вучэбнай лiтаратуры навучальнымi ўстановамi, якiя ўваходзяць у склад аб'яднання; дае рэкамендацыi па выкарыстанню вучэбнай лiтаратуры i метадычных рэкамендацый, выдадзеных у вышэйшых навучальных установах, выдавецтвах (у т.л. i недзяржаўных).

3.6. Вывучае i абагульняе перадавы педагагiчны вопыт вучэбна-выхаваўчай i навукова-метадычнай работы ВНУ па напрамках дзейнасцi вучэбна-метадычнага аб'яднання; распрацоўвае рэкамендацыi па ўдасканаленню вучэбнага працэссу, арганiзуе абмен вопытам памiж вышэйшымi навучальнымi установамi; праводзiць канферэнцыi, семiнары i нарады па праблемах вышэйшай адукацыi; ажыццяўляе навукова-метадычнае кiраўнiцтва пры арганiзацыi i правядзеннi студэнцкiх прадметных алiмпiяд i конкурсаў па спецыяльнасцях.

3.7. Удзельнiчае ў распрацоўцы i рэалiзацыi праграм i мерапрыемстваў па павышэнню квалiфiкацыi i перападрыхтоўкi выкладчыкаў.

3.8. Удзельнiчае ў лiцэнзiраваннi, атэстацыi i акрэдытацыi вучэбных устаноў.

3.9. Устанаўлiвае кантакты i арганiзуе супрацоўнiцтва з грамадска-прафесiйнымi арганiзацыямi замежных краiн з мэтай абмену вопытам па пытаннях вышэйшай адукацыi.

4.1. Дзейнасцю вучэбна-метадычнага аб'яднання кiруе Савет, сфармiраваны на сходзе прадстаўнiкоў вышэйшых навучальных устаноў, уваходзячых у склад аб'яднання. У склад Савета ўваходзяць старшынi навукова-метадычных аб'яднанняў (НМС), кiраўнiкi, вопытныя спецыялiсты i выкладчыкi вышэйшых навучальных устаноў, спецыялiсты адпаведных галiн вытворчасцi. Склад Савета зацвярджаецца загадам Мiнiстэрства адукацыi i навукi Рэспублiкi Беларусь.

4.2. Узначалiвае Савет i арганiзуе работу аб'яднання памiж паседжаннямi Савета прэзiдыум у складзе старшынi, намеснiкаў старшынi (прадстаўнiкi базавых навучальных устаноў у адпаведнасцi з дадаткам 1) i вучонага сакратара. Старшынёй Савета i яго прэзiдыума прызначаецца рэктар базавага ВНУ (прарэктар).

4.3. Пры Савеце ВМА ствараюцца навукова-метадычныя саветы, камiсii, секцыi i iншыя структуры па спецыяльнасцях або роднасных напрамках падрыхтоўкi спецыялiстаў.

Саставы i кiраўнiкi НМС, камiсiй, секцый або другiх структур фармiруюцца Саветам аб'яднання i зацвярджаюцца яго старшынёй.

Для выканання навукова-даследчых работ Савет можа ствараць ва ўстаноуленым парадку часовыя творчыя калектывы.

4.4. Старшыня Савета ВМА:

- арганiзуе i накiроўвае работу Савета i яго прэзiдыума;

- прадстаўляе ВМА ў органах кiравання вышэйшай адукацыi, у iншых арганiзацыях i ўстановах;

- забяспечвае творчыя сувязi з адпаведнымi прадпрыемствамi i ўстановамi.

4.5. Каардынацыя дзейнасцi ВМА i яго структурных падраздзяленняў у межах базавай ВНУ ўскладаецца на прарэктара па вучэбнай рабоце, у межах рэспублiкi - на Рэспублiканскi iнстытут вышэйшай школы i гуманiтарнай адукацыi.

4.6. Прэзiдыум Савета аб'яднання сумесна з Рэспублiканскiм iнстытуам вышэйшай школы i гуманiтарнай адукацыi:

- складае i арганiзуе абмеркаванне на паседжаннi аб'яднання планаў работы аб'яднання, прадстаўляе iх на зацвярджэнне ў Мiнiстэрства адукацыi i навукi Рэспублiкi Беларусь;

- зацвярджае рашэннi i рэкамендацыi, прынятые на паседжаннях аб'яднання, НМС, камiсiй, секцый, арганiзуе ўкараненне iх у практыку работы навучальных устаноў;

- рыхтуе i праводзiць пасяджэннi ВМА;

- прыцягвае да работы ў ВМА прафесарска-выкладчыцкi састаў ВНУ;

- вядзе ўлiкова-справаздачную дакументацыю аб'яднання;

- рыхтуе да выдання матэрыялы аб'яднання.

4.7. Работа, выконваемая прафесарска-выкладчыцкiм саставам па заданню Савета або Прэзiдыума ВМА, уключаецца ў iндывiдуальныя планы работы i залiчваецца пры атэстацыi. Членам Савета ВМА, па ўзгадненню з кiраўнiцтвам вышэйшай навучальнай установы, можа знiжацца вучэбная нагрузка да 200 гадзiн.

4.8. ВМА працуе ў цесным кантакце з Галоўным упраўленнем вышэйшай адукацыi Мiнiстэрства, з Рэспублiканскiм iнстытутам вышэйшай школы i гуманiтарнай адукацыi, з iншымi навукова-метадычнымi структурамi ў галiне адукацыi.

4.9. Зацверджаны план работы ВМА з'яўляецца падставай для камандзiравання вышэйшай навучальнай установай работнiка для выканання заданняў Савета аб'яднання.

5.1. Паседжаннi Саветаў ВМА i яго структурных падраздзяленняў праводзяцца па меры неабходнасцi, але не радзей 2 разоў у навучальным годзе, i адлюстроўваюцца ў планах работы ВМА.