З мэтай удасканалення арганiзацыi навучальна-выхаваўчага працэсу ў вячэрнiх (зменных) агульнаадукацыйных школах ЗАГАДВАЮ:

1. Унесцi змяненнi i дапаўненнi ў Прыкладнае палажэнне аб вячэрняй (зменнай) агульнаадукацыйнай школе Рэспублiкi Беларусь, зацверджанае загадам Мiнiстра адукацыi Рэспублiкi Беларусь ад 28 верасня 1993 г. N 292 i зарэгiстраванае ў Рэестры дзяржаўнай рэгiстрацыi Мiнiстэрства юстыцыi Рэспублiкi Беларусь 5 кастрычнiка 1993 г. N 44/12 (дадаюцца).

2. Галоўнаму ўпраўленню агульнай сярэдняй адукацыi (Фяськоў М.С.):

2.1. прадставiць да рэгiстрацыi ва ўстаноўленым парадку змяненнi i дапаўненнi ў Прыкладнае палажэнне аб вячэрняй (зменнай) агульнаадукацыйнай школе ў Рэестр дзяржаўнай рэгiстрацыi Мiнiстэрства юстыцыi Рэспублiкi Беларусь;

2.2. у тыднёвы тэрмiн пасля рэгiстрацыi змяненняў i дапаўненняў у Прыкладнае палажэнне аб вячэрняй (зменнай) агульнаадукацыйнай школе давесцi дадзены загад да ўпраўленняў адукацыi абласных i Мiнскага гарадскога выканкамаў.

3. Кантроль за выкананнем загада ўскласцi на намеснiка Мiнiстра адукацыi Дыляна Г.Д.

Мiнiстр В.I.СТРАЖАЎ

Пункт 2.

Першы абзац выкласцi ў наступнай рэдакцыi:

"Вячэрняя школа адкрываецца рашэннем выканаўчых i распарадчых органаў мясцовых Саветаў дэпутатаў у гарадах не менш за 100 вучняў, у сельскай мясцовасцi - не менш за 80 вучняў".

Другi абзац выкласцi ў наступнай рэдакцыi:

"Навучальна-кансультацыйны пункт з'яўляецца структурным падраздзяленнем вячэрняй школы, ствараецца пры немагчымасцi размяшчэння класаў (груп) у будынку школы i размяшчаецца ў iншых будынках. Пры адной школе могуць быць адкрыты некалькi навучальна-кансультацыйных пунктаў. Навучальна-кансультацыйныя пункты могуць стварацца ў гарадах пры наяўнасцi не менш 60, а ў сельскай мясцовасцi - не менш за 10 вучняў".

Пункт 3.

Першы абзац выкласцi ў наступнай рэдакцыi:

"У вячэрняй школе могуць адкрывацца VII - IX класы сярэдняй ступенi i X - XII класы старэйшай ступенi ў адпаведнасцi са штогадовымi загадамi Мiнiстра адукацыi "Аб вучэбных планах агульнаадукацыйных школ Рэспублiкi Беларусь".

Пункт 5.

Другi сказ выключыць.

Пункт 7.

У першым абзацы пасля слова "савета" дапоўнiць словамi "педагагiчнага (метадычнага) савета".

Пункт 11.

Другi абзац выкласцi ў наступнай рэдакцыi:

"Вучнi вячэрняй школы могуць спалучаць агульнаадукацыйную падрыхтоўку з прафесiянальнай, атрымлiваючы апошнюю ў навучальна-вытворчых камбiнатах, цэнтрах, у iншых навучальных установах або непасрэдна на вытворчасцi, у прафесiянальна-тэхнiчных вучылiшчах, якiя не спалучаюць прафесiянальнае i агульнаадукацыйнае навучанне.

Пункт 14.

Лiчбу "10" замянiць на "14".

Пункт 20 дапоўнiць другiм абзацам наступнага зместу:

"Пры немагчымасцi стварэння Савета школы ў ролi вышэйшага органа самакiравання вячэрняй школай з'яўляецца педагагiчны (метадычны) савет школы".

Пункт 23 выключыць.

Пункты 24, 25, 26, 27, 28 лiчыць адпаведна пунктамi 23, 24, 25, 26, 27.